მუდმივად სათვალის ტარება შეიძლება არაკომფორტული იყოს, მაგრამ ფიზიკური აქტივობის დროს, მოვლენების მკვეთრად აღქმა აუცილებლად გვჭირდება. ჩვენი მოძრაობების თითქმის 70% ხელმძღვანელობს მხედველობით, რაც მნიშვნელოვან გავლენას ახდენს ჩვენს სპორტულ ასპარეზობაზე.

სპორტულ აქტივობებს ხშირად ხელს უშლის მზის გამოსხივების ინტენსივობაც, ამიტომ საჭიროა დაიცვა თვალები UVA და UVB სხივებისგან და ატარო მზის სათვალე.

რჩევები დახურულ სივრცეში ვარჯიშისას

თუ შენი ოფთალმოლოგი ვერ ხედავს რაიმე უკუჩვენებას, სასურველია ატარო ლინზები, განსაკუთრებით თუ სპორტი კონტაქტურია (საბრძოლო სპორტი, ფეხბურთი, რაგბი…). ის შენს თვალებს ბევრად დაამშვიდებს (გვერდებზე კი უფრო ფართო ხედვას) და საშუალებას მოგცემს, თავიდან აიცილო გატეხილი სათვალით გამოწვეული დაზიანებები.

თუ აუზზე ვარჯიშობ, რეკომენდებულია ყოველდღიური ლინზები. თუმცა, მოერიდე სხვა ტიპის ლინზებს (ყოველთვიური ან მაგარი).

ჩვენი Ephémère კოლექცია ხელმისაწვდომია ყოველდღიური გამოყენებისთვის. მიმართე დახმარებისთვის აფლელუ პარიზის მაღაზიის კონსულტანტებს ან ეწვიე ,,ჯპს-ის” ოპტიკურ კუთხეებს.

რჩევები გარე სივრცეში ვარჯიშისას

როდესაც გარეთ ვარჯიშობ, უნდა ატარო სათვალე, რომელიც უზრუნველყოფს 100%-იან UV დაცვას. სასურველია აირჩიო პოლიკარბონატის ლინზები, რადგან ისინი უფრო მსუბუქი და მდგრადია. პოლარიზებული ლინზები ძალიან სასარგებლო იქნება სხივების წინააღმდეგ.

სათვალის ტარება აუცილებელია ორ შემთხვევაში:

• თუ დაკავებული ხარ წყლის სპორტით (სერფინგი, ნაოსნობა, კეიტსერფინგი, ღია ცის ქვეშ ცურვა…): წყალზე ულტრაიისფერი სხივების რევერბერაცია ზრდის მათ ინტენსივობას, რაც მზის მოქმედებას უფრო აძლიერებს. ატარე სათვალე წყლიდან ამოსვლის დროსაც, რადგან ქვიშას ისეთივე ამრეკლავი ეფექტი აქვს, როგორც წყალს.
• თუ დაკავებული ხარ მთის სპორტით: თოვლი ირეკლავს სინათლის სხივების თითქმის 80%-ს, ანუ წყალზე 7-ჯერ მეტს. უფრო მეტიც, ულტრაიისფერი სხივების ძალა ყოველ 1000 მეტრზე 10%-ით იზრდება… დამცავი ნიღბის ტარება რეკომენდებულია მხედველობისთვისაც, რადგან ის თავიდან აგაცილებს გვერდებიდან შემომავალ ულტრაიისფერ სხივებს. არასდროს უგულებელყო თვალისა და კანის დაცვა მთაში, განურჩევლად ამინდისა, რათა თავიდან აიცილო დამწვრობის რისკი და ოფთალმოლოგიური დაავადებები.