თვალის სიწითლე შეიძლება გამოწვეული იყოს მრავალი მიზეზით. ის ხშირად დაკავშირებულია კონიუნქტივის გაღიზიანებასთან. როდესაც კონიუნქტივაში გამავალი კაპილარები ფართოვდება ან სკდება, თვალის თეთრი გარსი წითელ ფერს იღებს.

სიწითლის მიზეზები შეიძლება იყოს ალერგია, კონიუნქტივიტი ან რაიმე ტრავმა.

როგორც წესი, ამ მდგომარეობას მარტივი გამოსავალი აქვს, მაგრამ ის საჭიროებს მონიტორინგს. იშვიათ შემთხვევებში, მკურნალობის დაგვიანებამ შესაძლოა გამოიწვიოს მხედველობის დაქვეითება ან დაკარგვა.

ამიტომ, პრობლემის არსებობისას მიმართე ოფთალმოლოგს.

ჩვენ გირჩევთ:

• მოერიდე თვალის წვეთებს, რომლებიც გაიცემა რეცეპტის გარეშე და მათ ნაცვლად გამოიყენე ხელოვნური ცრემლი. ქავილის დროსაც კი, არ მოისრისო თვალები!
• თვალის სიწითლის შესამსუბუქებლად, შეგიძლია ქუთუთოებზე დაიდო ცივი კომპრესები რამდენიმე წუთის განმავლობაში, დღეში 3-4-ჯერ.
• ყოველ დილით, თვალი გაიწმინდე სუფთა, ტენიანი პირსახოცით.
• თუ თვალის მიდამოში გაქვს ძლიერი გაღიზიანება და მგრძნობელობა, შეგიძლია თვალების დასამშვიდებლად გამოიყენო ანტიჰისტამინები.
• ასევე არ დაგვავიწყდეს, შეამოწმო თვალის კოსმეტიკის ვადები. გადაყარე  ვადაგასული პროდუქტი.